درس وعبره لعيون قرائي الكرام
أرجو منكم تفتحوا صفحه جديده
حتى نكتب بالدفاتر ..
حروف مليانه حطام ..

إبدأوا بالسطر الأول ..
كانت بدايه سعيده
وآنتهت قصة حياتي
على .. أعتاب السطر
دون أعذار وخصام..

جيت أدون سطر ثاني..!
شفت قلبي نـْـزَف جرحه من وريده
ولقيتني أتلفظ أنفاسي الأخيره
كني حلمانه بمنام…

صارت حروفي ودموعي
تنخلط ويا القهر وتجري ويا دمي

ياترى شنهو التغير
البشر نفس البشر
قلوب من صخر وحجر
تجرح الإحساس وتطعن بالظهر
تــُبــدِع بحفر الحفر

تدّعي إنها مــُحـِبّه
وبكل شراسه تخلي عنوان المحبه
يغرق بوسط النهر
تتصنع وتحجي بشهامه
وهي نيتها الغدر

تعتـــبر …؟
لاتصدقون … لا أبد ماتعتبر
غيبه .. وحقد ونميمه
تكتفي ..؟
لا أبد ماتكتفي …

جمر أحقاد وخداع
حرّقوا حتى الزهر

ناس ماتعرف صداقه ولاحوار ولاجدال
كل لحظاتي معاهم حاسه إني بخطر

لاجدال .. كل حروفي والمشاعر
أضحت بليله ركام
أصبحت .. جاني وأنا المجني عليه
من يستحق قولوا الملام ..؟

اعذروني
يمكن التعبير قاسي أو صريح
وماهو بالعربي الفصيح
لكن همومي أنا قامت تصيح
وقلبي من يومه جريح

منيتي … القى النفوس الصافيه
حتى ذاك الوقت
يمكن أنسى همي وآستريح

:


ΣjřÄM
Advertisements